كل عام وانت الندم

[كل عام وانت الندم]

كل سنه وإنتَ ياغالي
عايش لوحدك في بالي
ابيك تحس بإحساس بنت
ماسكنها غيرك إنت
وكل سنه وانا أشوفك
في خيالي يمر طيفك
وتبعدك عنٍّي ظروفك
وإنت توحشني وصوفك
كنت مثلي تبيني
بعت روحك مشتريني
وكنت اتكبر لاني هواك
وينها ايام اول
يوم كنّا نتنفّس بعضنا
كنت ما تصبر بدوني
و كنت ألقاني بروحك
كنّا نصدق في وعدنا
أحفظك دوم بعيوني
كنت انا بلسم جروحك
تذكر أيام أوَّل
لمّا نسبق هالتهاني
وتحتفل فينا الأماني
قبل مايثبت هلاله
كنت تسبقني بلهفة
عاشق ٍجدّد وصاله
لجل بس ترضي غروري
ياعيوني ياجنوني
تتصل فيني تبارك
وقبل ماتنطق اقولك
شهرك مبارك حبيبي
حبنا مبارك عليك
كنت احتري صدفه تجيبك
لجل أوصل احساسي لقلبك
وأصرخ بلهفه أحبك
وتقرى فيها وش كتبت
و كم بكيت ، ولك نزفت
راح شهر وغيره جانا
مدري أنتظرك تبارك
ولا أنسى ايام هوانا
حسبك الله يالظروف
اللي كان في يوم جنبي
ابتعد عني بخوف
وربي اني فقدتك
ياللي رحت عنِّي وين
أبي ألقاني في قربك
وانت تدري بي في غيابك
يمتلي هالكون ضيق
ماابي أهل وقرايب
وحدي بالعالم أضيع
وين رايح
وين رايح
هانت العشره عليك
كل اللي حولي إسألوني
عن سبب الحزن بعيوني
وليش صاير لوني شاحب
ما ترد عني ياصاحب؟؟؟؟
ياللي تتسائلون عن ونيني
وليش هو ساكن قصيدي
إقروا في عيني الحزن
والدمع اللي صار دم
يكتب على خدي ندم
اني حبيت ووفيت
واخلصت له وفنيت
اربع سنين في وهم


تعليقات

إرسال تعليق

المشاركات الشائعة من هذه المدونة

مارجيت المستحيل

خدش